Kaiārahi i te reo ngā wāhanga takohanga whānui

Overview

Hei wāhi o te wāhanga tirohanga ki te tukanga utu mana taurite, i whakahaeretia ētahi uiui ki ētahi kaiārahi i te reo e mahi ana i roto i ngā kura puta noa i Aotearoa. Kua tātaritia ngā kohinga raraunga, ā, kua whakamahia hei hanga i ēnei wāhanga takohanga whānui, e whakaata ana i te whānuitanga me ngā momo takohanga me ngā ngohe e mahia ana e ngā kaiārahi i te reo.

Me mahara hoki, ahakoa e tautuhia ana e tēnei pūrongo te hōkaitanga o ngā ngohe e mahia ana e ngā kaiārahi reo, ka rerekē pea ngā kaupae pūkenga, ngā hiahia me ngā whakapaunga kaha. Ka kapohia ēnei āhuatanga i roto i te wāhanga aromatawai whakamutunga o te tukanga. He mea nui tonu kia mahara ake e kore e kawatautia kia oti i te kaiārahi i te reo kotahi ngā ngohe katoa kua tautuhia, engari me āta kite rātou i ngā takohanga o tā rātou tūranga mahi e whakaatatia ana i roto i te pūrongo.

E hiahia ana mātau kia tātarihia e koe Ngā Wāhi Whai Kawenga Arowhānui, ā, mēnā e tino hopu ana i ngā mahinga hāngai ngā mahi onāianei a te kaiārahi i te reo i tō kura. He wāhi, he mahinga rānei kei te mahue?

Me pāwhiri i te rangahau hei tiro i ia wāhi kawenga me ngā mahinga hāngai. I te mutunga o ia wāhanga ka kite koe i tētahi āpure hei pato i tō whakautu, mēnā e hiahiatia ana.

Ka taea e koe te neke whakamua, whakamuri i te rangahau mēnā e hiahia ana koe ki te hoki ki ngā wāhanga o mua. I te mutunga o te rangahau ka taea e koe te tuku ō whakautu.

Tēnā, whai wāhi mai ki tēnei o ngā uiuinga matihiko – tikiake te pukapuka i konei, ā, tukuna mai ngā kōrero ki tā mātou wāhitau īmera: school.payequity@education.govt.nz, panaia te pātene kei raro iho nei rānei: ‘tatauranga ipurangi’