Ngā Kaupapa Matua ā-Motu mō te Mātauranga me te Ako

Closes 25 Nov 2019

He aha Ngā Kaupapa Matua ā-Motu mō te Mātauranga me te Ako?

Hei āwhina ki te whakarite i ngā raruraru i roto i ngā mātauranga me te whakapai ake i ngā putanga mō te katoa, kua hangaia e te Minita ngā kaupapa matua ā-motu mō te mātauranga me te ako e 9 (NELP) mō te pūnaha mātauranga o Aotearoa.

Ka whakamahia ēnei kaupapa matua a NELP e ngā Poari Kaitiaki me ngā rōpū whakahaere i ngā kōhanga reo, ngā kura akoranga kōhungahunga, kura me ētahi atu wāhi ako.

Ko ngā kaupapa matua tētahi wāhanga o ā mātau mahi hei hāpai ake i te mātauranga. 

Pānuitia ngā kōrero atu anō mō ngā kaupapa matua me te tikanga o ēnei i roto i te tuhinga matapakinga.

Pānuitia te tuhinga matapakinga [PDF 2MB]

Read the discussion Document [PDF 1.9MB]

I pēhea te tae mai ki konei?

I te wāhanga whakamutunga o te 2018, i whakahaerehia e Te Tāhuhu o te Mātauranga ngā whakawhitiwhiti kōrero whāiti me ngā tamariki me ngā taiohi hei whāngai i Ngā Kaupapa Matua ā-Motu mō te Mātauranga me te Ako.

I arotahi mātau ki te hunga kāore i tino kitea i roto i ētahi atu whakawhitiwhiti kōrero a te Kōrero Mātauranga, ka mutu kāore i te tino pai te whakarato ki a rātau e te pūnaha mātauranga i te nuinga o te wā. 

Nā ngā kōrero ki a mātau i roto i ēnei kōrerorero i āwhina i a mātau ki te waihanga i ngā kaupapa matua hukihuki, ā, kua whakarāpopototia i roto i te pūrongo whakawhitiwhiti kōrero Treat Kids Like They’re Gold, e wātea ana i tā mātau paetukutuku i konei:

Treat Kids Like They're Gold

Ka ahatia ēnei mōhiohio?

Ka whakamahia ō mōhiohio hei āwhina i a mātau ki te waihanga i ngā kaupapa matua whakamutunga. 

Ka tonoa e mātau ngā mōhiohio mōu, tō whakahaere rānei kia pai ai tā mātau tirotiro kei te whiwhi kōrero mātau mai i ngā tūmomo tāngata rerekē. E kore koe, tō whakahaere rānei e mōhiotia i roto i ngā pūrongo, ā, ka noho muna ō whakautu ki Te Tāhuhu o te Mātauranga.

Kei a koe te motika ki te tirotiro me te whakatika i ō mōhiohio whaiaro ka tukuna e koe. Ka whakakotahitia, ka whakarāpopototia hoki ngā whakahokinga kōrero mai ki tētahi pūrongo.

Tata ki te 10 meneti te roa o tēnei rangahau, nō reira mahia he kapu tī, ā, kia tau te noho. He mea nui ō whakaaro!

Ngā mihi.

Kei te whakautu koe:

E whakakanohi ana taku whakahaere i: