Video transcript for Kaitohutohu Kaiārahi - Leadership Advisors - Te Reo Māori from Ministry of Education on Vimeo.

I tautohu te arotake i Ngā Kura mō Āpōpō me whakapiki tō tātau pūnaha mātauranga i ngā huanga mā ngā rangatahi o Aotearoa.

Ka miramira mai ia me nui ake ngā mahi hei tautoko i ngā ākonga kua iti iho te whakaratohia e te pūnaha.

Kei te mōhio mātau ko te whai tāima ki te arotahi ki te ako koia ko te āhuatanga matua e whakapiki ake ai ō tātau kaiārahi kura i ngā huanga mā ngā ākonga.

Me whakarite e mātau he kapa ngaio e tino whai pūkenga ana, e whakaponotia ana hoki ka taea e rātau te whakawhiwhi atu i te tautoko whai wā, hāngai, ā-rohe hoki mā ngā kaiārahi kura.

Koirā te take kei te whakatū mātau i ētahi tūranga Kaitohutohu Kaiārahi, arā hei whakarite i ngā tino huanga pai ka taea mā ā tātau tamariki, rangatahi ki Aotearoa.

Ka āta waihangatia ēnei tūranga Kaitohutohu Kaiārahi me te mahi tahi ki te rāngai mātauranga hei ngā marama e heke mai nei, nō reira ka tino nui te wāhi ki ō whakahokinga kōrero i tēnei hātepe.

Katoa ngā tūranga Kaitohutohu Kaiārahi nei puta noa i ngā akoranga Auraki me ngā akoranga Rumaki Māori ka whakahoahoatia mai me te mahi rangapū ki te rāngai.

Kei te rapu mātau i ētahi tāngata whai mana – he ngaio e tino whakaponotia ana, e whai ana i te mōhiotanga, te pūkenga me te wheako mātauranga ki te tuku mai i te tautoko me te tohutohu i roto i te wā tika.

Ahakoa kei te whakahoahoa tonu mātau i ēnei tūranga, ka kawatau mātau kia whai wāhi ngā Kaitohutohu Kaiārahi ki te tohatoha i ngā mahi whai hua puta noa i te pūnaha e taea ai te tautika me te ekenga taumata.

Ka tautoko rātau i ngā hononga mahi tahi pēnei i ngā tūhononga kura, i ngā Kāhui Ako rānei ki te whakahau me te tautoko i ngā mahi auaha hei whakapaipai i te whakaako me te ako.

Ka rerekē pea te āhua o ēnei tūranga hei ōna wā, e whakaata ana i ngā whakaratonga e pīrangatia ana e te rāngai i a Te Mahau nō reira ka nui te wāhi ki a koe hei tārai, hei whakahoahoa i ēnei tūranga.

E 21 ēnei tūranga kaitohutohu kaiārahi hou ka whakanōhia ki ngā rohe ki roto o Te Tai Raro, Te Tai Whenua, me te Te Tai Runga.

03:02.053 --> 03:09.928
Ka tīmata ēnei tūranga hou hei te tīmatanga o te tau kura 2023.

03:10.522 --> 03:18.373
Me kaua hoki e wareware ki te whakakī mai i te Uiuinga Kaitohutohu Kaiārahi.