Te Rangahau i te Pāhekohekotanga ki te Marea mō te Wāhanga 1

Overview

E hiahia ana mātou kia whānui te momo o ngā tāngata takitahi, ki ngā rōpū hoki hei pāhekohekotanga mā mātou i tēnei wāhanga tuatahi o te whakawhanake wāhanga ako kei te Taumata 1 o NCEA, i te Arotakenga o ngā Paerewa Paetae. E hīkaka ana mātou ki te mōhio ki ō koutou whakaaro kia rere tonu ai ngā mahi whakawhanake i runga i te ngākau titikaha.

Ka whakamahia tō urupare e mārama ake ai, e pai ake ai hoki tō mātou mōhio ki ngā āhuatanga e pai nei te whaihua, ki ērā hoki pea me whakapakari ake. Ka whakaritea e mātou he pūrongo i runga i ngā urupare ka whiwhi mātou, otiia ka whakamahia hei te wāhanga o te whakawhanake e whai ake nei.

Kei te hononga o NCEA.Education.govt.nz te hukihuki o ngā tuhinga mō ngā wāhanga ako. Kei aua tuhinga ko:

• Te Tukutuku Ako e whakaatu nei i ngā Akoranga Tāpua mō te wāhanga ako.
• Te Tukutuku Aromatawai e whakaatu nei i ngā Akoranga Tāpua ka aromatawaihia.
• Ngā Kōrero Ārahi mō te Whakaako, mō te Ako me te Aromatawai (TLAG) e whakamārama nei i te huarahi i whāia ai hei whakawhanake i te Tukutuku Ako me te Tukutuku Aromatawai.
• Ngā Akoranga o te Kaupapa hei whakaatu i te huarahi e hono ai pea te Tukutuku Ako ki te Tukutuku Aromatawai

Ngā tohutohu

Te huarahi e marohitia ana:

1. Pānuitia ngā kōrero katoa mō te wāhanga ako i NCEA.Education.govt.nz i mua i te whakautu i ngā pātai e kite ai koe i te whānuitanga o ngā kōrero.
2. Ka whakautua ana he pātai, waiho kia tuwhera tonu a NCEA.Education.govt.nz i tō matahiko hei tirohanga māu.

What happens next

Kāore mātou e whakamahi i ngā pārongo ka homai e koe mō take kē atu i ērā kua whakarārangitia, ā, kāore mātou e tuari i ngā pārongo ki tangata kē atu rānei, ki whakahaere kē atu rānei. Kaua e tuku kōrero whaiaro mai mōu i ō urupare kia kore ai e mōhiotia nā wai.

Ka whita te puritia me te whakahaerehia o ō urupare ki te rangahau e Te Tāhuhu, ka mutu ka āhei atu ko ngā kaimahi o Te Tāhuhu anake, mā rātou e kohikohi, e tātari hoki ngā urupare ka whakawhiwhia mai.