Ngā whakatikatanga ki te Education (Early Childhood Services) Regulations Ngā rawa whenua a te Karauna me te whakaaetanga kōtuinga

Overview

Atu i te 1 o Pēpuere 2023, mēnā e hiahia ana koe ki te whakahaere i tētahi raihana kura kōhungahunga hou me whiwhi whakaaetanga kōtuinga koe mai i te Minita Take Mātauranga i mua i tō tono raihana. Ko ngā kaiwhakarato ka whiwhi whakaaetanga kōtuinga ka tāpirihia pea he here ki te raihana o tō rātau ratonga hei whakarite kei te ōrite te whakaratonga ratonga ki tā rātau whakaaetanga kōtuinga.

Ko ngā whenua o te Karauna kei tētahi kura kōhungahunga whai raihana, whare tiaki tamariki hoki

I raro i ngā waeture onāianei, atu i te 1 o Pēpuere 2023 me whiwhi whakaaetanga kōtuinga tētahi pokapū ECE kei runga whenua o te Karauna mō ngā kaupapa tūmatanui, whanaketanga ā-tāone rānei i mua i te tono mō tētahi raihana hou ina neke ana ki te wāhi hou.

E marohi ana mātau ki te whakatika i te Education (Early Childhood Services) Regulations 2008 hei hanga i tētahi aweretanga e taea ai te whakatika, me te kore e mate ki te whiwhi i tētahi tono whakaaetanga kōtuinga, e mate ai te ratonga ki te neke i te mea kua tangohia mai te whenua i raro i te Public Works Act 1981, te Urban Development Act 2020 rānei.

Kua whakaaroarohia ngā whakaratonga whakaaetanga kōtuinga mō ngā tono hei whakatika i tētahi raihana

I te mea nō mua ngā waeture onāianei i te whakaurunga mai o te whakaaetanga kōtuinga, kāore e kī ana i roto ka āhei te Hekeretari ki te whai whakaaro ki ngā whakaratonga whakaaetanga kōtuinga ina aromatawai i ngā tono ki te whakatika i tētahi raihana (waeture 33 o te Education (Early Childhood Services) Regulations 2008).

E marohi ana mātau ki te whakatika i ngā waeture kia mārama ake ai tēnei.

Te whakaoti i te rangahau

Ka whakamahia ngā whakaaro ka tukuna mai e koe hei whāngai i ngā whakatau whakamutunga. Mō ētahi taipitopito anō mō ngā kaupapa e marohitia ana me pānui i te tuhinga matapakinga, he whakamāramatanga rānei i konei.

He 10-20 meneti te roa e oti ana te rangahau. Ka taea e koe te whakaoti te rangahau i te reo Ingarangi mā te pāwhiri i konei.